Almexoft low-code платформасын енгізу кезеңдері:
1. Тапсырыс берушінің талаптарын талдау және жұмыс тобын қалыптастыру.
Лицензиялаудың кез-келген нұсқасы бойынша электрондық құжат айналымы жүйесін енгізу тапсырыс берушінің талаптарын талдаудан және жұмыс тобын қалыптастырудан басталады. Мамандар тобы қолданыстағы бизнес-процестерін және қызметкерлердің өзара әрекеттесу пішімін талдайды. Нәтижесінде жұмыс тобы автоматтандыруды қажет ететін мақсатты процестердің тізімін құрады.
2. Жүйені тапсырыс берушінің талаптарына сәйкес бейімдеу.
Клиентпен келісілген бизнес-талаптары негізінде пысықтау және интеграциялау жөніндегі міндеттерді қамтуы мүмкін техникалық міндеттер тізімі (product backlog) құрылады. Жүйені тапсырыс берушінің талаптарына бейімдеу кезеңі аясында енгізу мамандары қажетті бизнес-процестерді, құжаттар топтары мен түрлерін конфигурациялайды, қажетті есептерді модельдейді, ұйымдық құрылым конфигурацияланады және жүйенің барлық пайдаланушыларына құқықтар мен рөлдер беріледі; жүйенің тапсырыс беруші тарапындағы әкімшілері оқытылады.
3. Платформаны орналастыру және бастапқы тестілеу.
Үшінші тарап жүйелеріне бейімделу және интеграциялау аяқталғаннан кейін платформа тұтынушы серверлерінде немесе бұлттық серверлерде сыналады. Бұл кезеңнің ерекшелігі – тапсырыс беруші тарапынан пайдаланушылардың жұмыс тобын тест режимінде жүйеде жұмыс істеуге тарту. Тәжірибелік-өнеркәсіптік пайдалану барысында біз толыққанды кері байланыс алуға және пайдаланушылардың жаңа жүйені «қабылдау» дәрежесін бағалауға мүмкіндігіміз бар. Алынған мәліметтердің арқасында біз пайдаланушылардың жаңа платформаға көшуінің ең «жұмсақ» жоспарын жасай аламыз және аударумен байланысты тәуекелдерді барынша азайта
аламыз.
4. Пайдалануға беру.
Жүйені конфигурациялау кезеңінде BPM модулінде қажетті бизнес-процестер жобаланады, номенклатура құрылады, қажетті есептер жасалады, құжат нобайлары қосылады, құжаттардың электрондық нысандары бапталады және жүйенің болашақ пайдаланушылары үшін құқықтар мен рөлдер белгіленеді.
Осы кезең барысында компанияның барлық қызметкерлері жүйені қолдана бастайды. Біздің мамандар жүйенің негізгі функционалдығыммен таныстырады, құжаттарды келісудің теңшелген процестерін көрсетеді, жүйенің пайдаланушылардың әр түрі үшін негізгі модульдері бойынша оқытуды бөлек жүргізеді. Оқытудан кейін жоба ресми түрде өнеркәсіптік пайдалануға беріледі және келісім-шартқа сәйкес қолдау кезеңі басталады.
Сергей Синченко, Бас операциялық директор
Нарықтағы бірінші орын бизнеске мұқият назар аударуды және үздіксіз жетілдіруді талап етеді. Бұл менеджментте процестік тәсілді дамыту арқылы ғана жүзеге асуы мүмкін. Дәл осы тапсырманың аясында біз мақсаттардың бірі – BPM жүйесін енгізуді белгіледік.
Әдістеме
Сарқырама каскады моделін жүзеге асыру
Low-code платформаны Waterfall каскадты моделі бонйынша енгізу жобасын сүйемелдеу. Бұл әдістеме low-code платформаны алдын-ала анықталған фазаларға сәйкес енгізуді ұйымдастыруға мүмкіндік береді. Бұл әдіс клиент үшін барынша ашық және ыңғайлы болып табылады, себебі ол жобаның барлық процестерін басынан бастап, соңына дейін қамтиды. Бұл әдіс жобаның әр кезеңін қатаң кезекті және бір реттік орындалуын білдіреді, бір фазадан екінші фазадан екіншісіне ауысу алдыңғысы сәтті аяқталғаннан кейін ғана мүмкін болады.
Әр кезеңнің орындалуы электрондық құжат айналымы жүйесін енгізу кезеңі нәтижесінің толық жоспарлануын және барынша дұрыстығын білдіреді. Рәсімдеудің жоғары деңгейінің арқасында мұндай жобаны басқару әлдеқайда оңай, себебі клиент енгізу нәтижесінде қандай нәтиже алғысы келетінін біліп отырады. Жоба бойынша ондаған адам жұмыс істегенде әзірлеудің каскадты моделі тәуекелдерді азайтып, жобаны әзірлеу процесіне айқындық береді деп есептеледі.
Әдетте, жобаны басқарудың осындай әдістемесі Fixed Price моделі бойынша жұмысты білдіреді. Шоттар мен актілер жобаның әр кезеңінің аяқталуы негізінде беріледі.